នាព្រឹកថ្ងៃទី០៧ ខែមេសា ឆ្នាំ២០២២ នៅសាលប្រជុំកំពង់ផែស្វយ័តក្រុងព្រះសីហនុ ខេត្តព្រះសីហនុ គណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាននៃព្រឹទ្ធសភា (គណៈកម្មការទី៥) ដឹកនាំដោយលោកជំទាវ ទី បូរ៉ាស៊ី ប្រធានគណៈកម្មការ បានអញ្ជើញជួបសំណេះសំណាល និងពិភាក្សាការងារជាមួយនឹងអាជ្ញាធរកំពង់ផែស្វយ័តក្រុងព្រះសីហនុ ដឹកនាំដោយលោក ថោង វីរ៉ូ អគ្គនាយករងកំពង់ផែស្វយ័តក្រុងព្រះសីហនុ ដើម្បីឈ្វេងយល់អំពីការគ្រប់គ្រងកំពង់ផែ ការអភិវឌ្ឍ ការរីកចម្រើន ការអនុវត្តច្បាប់អន្តោប្រវេសន៍ ការគ្រប់គ្រងជនបរទេសឆ្លងដែន បញ្ហាប្រឈម និងសំណូមពរនានា របស់អាជ្ញាធរកំពង់ផែស្វយ័តដែលបានជួបប្រទះក្នុងការអនុវត្តការងារនាពេលកន្លងមក ព្រមទាំងបានចុះពិនិត្យមើលសកម្មភាពជាក់ស្តែងរបស់ភ្ញៀវជាតិ-អន្តរជាតិ និងការផ្ទេរ-ផ្ទុកទំនិញគ្រប់ប្រភេទចេញ-ចូលនៅតាមកំពង់ផែស្វយ័តក្រុងព្រះសីហនុ ខេត្តព្រះសីហនុ៕
ប្រភព៖នាយកដ្ឋានព័ត៌មាន